逻辑与人工智能方向博士研究员（科研助理，年薪 593,700 克朗）

Stipendiat - Logikk og kunstig intelligens (LAI)

UiB - Kunnskap som formar samfunnet UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Stipendiat Vi ønskjer deg velkommen som søkjar til ei stilling som stipendiat i informasjonsvitskap ved Institutt for informasjons- og medievitskap. Stillinga er for ein åremålsperiode på 4 år, kor 25 % av samla tilsetjingstid er karrierefremjande arbeid som skal utførast ved instituttet. Forskingsprosjektet i PhD-graden vil vere knytt til logikkar for multi-agentsystem, og korleis dei vert brukt innan formell verifisering, syntese, normativ resonnering, design av mekanismar, analyse av sosiale fenomen og lignande. Logikkane det gjeld inkluderer, men er ikkje avgrensa til logikkar for resonnering om agentars strategiar, handlingar, kunnskap, oppfatningar, evner osv. Prosjektet vil bli gjennomført innafor forskingsgruppa Logikk og kunstig intelligens (LAI) ( https://www4.uib.no/en/research/research-groups/research-group-for-logics-and-ai ). Det eksakte omfanget og fokuset for prosjektet kan tilpassast kandidatens interesser.

Prosjektet Ei kortfatta prosjektskildring (5-8 sider) skal ligge føre saman med søknaden. Prosjektskildringa skal gjere greie for tema, problemstilling(ar) og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til ph.d.-utdanninga. Fakultetet har utarbeida ei rettleiing for skriving av prosjektskildringa .

 Kvalifikasjonar og eigenskapar: • Søkaren må ha mastergrad i informasjonsvitskap, informatikk, kognitiv vitskap, logikk, kunstig intelligens eller tilsvarande. Graden må vere avlagt innan fristen for søknaden. • Minstekravet for søkjarane skal normalt vere B, eller betre, både på masteroppgåva og for mastergraden som heilskap. • Søkjarar må kunne arbeide sjølvstendig og strukturert og ha gode samarbeidsevner. • Søkjarar må ha gode skriftlege og munnlege engelskkunnskapar • Personlege og mellommenneskelege eigenskapar vil bli vektlagd. Ambisjonar og potensial vil også telje ved vurdering av kandidatane. • Arbeidsstad for denne stillinga er Bergen, og arbeidet krev at du normalt er fysisk til stades ved instituttet. • Det krevst dokumentert bakgrunn innan eitt eller helst fleire av områda: • Logikkar for mulitagentsystem • Formell verifikasjon • Modal logikk • Berekningslogikk • Temporal logikk • Dynamisk epistemisk logikk • Kunnskapsrepresentasjon og resonnering • Automatateori • Berekningskompleksitet • Bevisteori • Formell argumentasjon • Deontisk/normativ resonnering • Beslutnings- og/eller spelteori • Forsterkningslæring

Eit kurs kandidaten har tatt eller eit prosjekt kandidaten har fullført tel som dokumentert bakgrunn. Erfaring frå vitskapleg arbeid, inkludert dokumenterte publikasjoner, er ein fordel. • Ein ideell kandidat har stor motivasjon for forsking, interesse for prosjektets tema, og innsikt i relevante teoriar og metodar. Kandidaten kan jobbe sjølvstendig og har gode samarbeidsevner.

Aktuelle kandidatar vil bli innkalla til intervju.

Undervisningsspråket er til vanleg norsk, men noko av undervisninga blir og gjeven på engelsk.

For stillinga gjeldt følgande: Samla stipendiatperiode er 4 år, der 25 % av tida er karrierefremjande arbeid, knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden. Om ph.d.-utdanninga: Som stipendiat skal du delta i ph.d.-utdanninga ved Det samfunnsvitskaplege fakultet, UiB. Utdanninga har ei normert tidsramme på 3 år, og leiar fram til ein ph.d.-grad. For opptak må du ha fullført mastergrad. Omfanget av mastergraden må normalt vere på 120 studiepoeng og bygge på ein bachelorgrad på 180 studiepoeng (normalt 2+3 år), eller ein integrert mastergrad av 300 studiepoeng (5 år). I mastergraden skal det normalt inngå eit sjølvstendig arbeid av eit omfang på minimum 30 studiepoeng. Mastergraden skal normalt vere innan det fagområdet det vert søkt om opptak til.

Vi tilbyr: • Stilling som stipendiat (kode 1017) med årsløn kr. 593 700, - brutto. Automatisk lønsutvikling for opptil 4 år med 3% årleg stiging. • Godt fagleg og sosialt miljø med høg kvalitet på forsking og undervising. • Medlemsskap i Statens pensjonskasse • Gode velferdsordningar

Søknaden skal innehalde: • Ei kort utgreiing om søkjaren sine forskingsinteresser og motivasjon for å søkje stillinga • Namn og kontaktopplysningar til to referansepersonar, ein av desse må vere hovudrettleiaren frå masteroppgåva eller tilsvarande oppgåve • Prosjektskildring • CV • Karakterutskrifter og vitnemål for bachelor- og mastergrad • Relevante attestar • Ei liste over vitskaplege arbeid • Vitskaplege arbeid som du legg ved for vurdering - inkludert masteroppgåva • Dersom du har mastergrad frå utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn du vil bli knytt til, kan du verte bede om å sende inn ei oversikt over pensum til den mastergraden du har oppnådd

Søknad og vedlegg med attesterte omsetjingar til engelsk eller eit skandinavisk språk må lastas opp i Jobbnorge via link på denne sida. Søknadsfrist: 15. oktober 2026.

Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering

Generell informasjon:

Livet som ph.d.-kandidat ved UiB Astrid Nybø forteller om livet og arbeidshverdagen som ph.d.-kandidat ved UiB.

Kunnskap som formar samfunnet